Ppi 'na strata fatta di signi
Ca nissunu ha mai dicifrati
Haju circatu 'n mienzu 'na neglia
Di capiri la viritata

E (d) haju vistu cumi 'na luci
Ca spaccava ra scurità
E 'na vuci pu' m'ha chiamata:
"Vieni lestu ca sugnu cca!

T'haju aspittata ccu 'n' ansia funna
Picchì mai  ha' tantu tardatu?"
Cittu c'haju persu lu cuntu
D'ogni pena c'haju passata!

Ca di scarpi d'azzaru duru
Setti para n'haju cunsumati
Ppi sett'anni e ppi setti munni
Senza sosta haju caminatu

E pp' ogn'unu di 'si sett'anni
Setti seculi haju piniàtu
Setti chiuòvi dinta li carni
C'ogni curpa hanu cunsumata

E mo c'haju pigliata l'unna
C'aru lustru mi sa purta'
Nun ti lassu picchì aru munnu
Tu si' luci e si' virità