Cchi ni dici si t'ammazzi stasira?
L'aria è duci e ra morti assai mali 'un ti fa
Sulu nu vientu friscu
T'accarizza ra frunta
E sbalanca ri porti di l'eternità
Sulu nu vientu friscu
Ca t'asciutta ra frunta
E pu' nenti ti po' disturbà

Cchi ni dici si ti 'mpichi a 'nu piru?
Chiru vientu ti spingi e ti fa nachià
Pu' si 'n pedi a 'ssa troppa
Si ch'assetta 'nu geniu
Li s'addruma ra lampa d'a genialità
E si sutt' a 'ssa troppa
S'addurmenta 'nu geniu
Di 'nu trunzu 'na leggi ni fà

E si pu' chira morti 'un t'aggrada
'Na paddrata a ra frunta ti pu' sempi sparà
Accussì chira neglia
Ca t'affusca ra menti
Trova spiatu e 'nta l'aria si po' svapurà
Di 'sa scienza di crapa
Ca ti fa sta' cuntientu
A ra fina ti pu' vrigugnà