Vientu ca juochi supa 'su barcuni
Affacciati 'nu pocu 'nta 'sa stanza
Aiutami a truvari li paroli
Ca 'sa criatura mia vo' 'na rumanza

Vientu ca fishchi ppi mancu e ppi diestru
Ca pari 'nu lamientu senza scampu
Aiutami a cantari 'na canzuna
Ch' a 'ssa criatura l'ha vinta lu chiantu

Vientu ca si' vinutu di luntanu
C'ha' vistu cumi canta ra mitraglia
C'ha' vistu cumi ni scarfa r'amuri
Canta ca 'sa criatura si fa' granni

Vientu ca scupi la munnizza vecchia
E ra vuli 'nta l'aria murmurannu
Chiddra ca mo' ppi nova n'apparecchi
Era munnizza vecchia a n'ata banna

Pirciò nun t'ttiggiari a gran signuri
E fanni cumpagnia fin'a cchi scampa
Stip'a filusufia ppi tiemp'e luogu
Platuni lass'u sta' ca ninn' arrampa

E tu, suonnu, cchi fa? Stienni la manu
Ca 'sa criatura lestu ti la mannu
'Mprestaci l'ali ppi scappà luntanu
Dunaci forza ppi turnà cantannu

         GO TO:
1) Ninna nanna prima
2) Tu giuvineddra di pochi paroli
3) Si' gavutu e dilicatu bieddru miu
4) 'U muru
5) 'U castieddru
6) Parti littira mia
7) Canzuna ppi Bertu