(Fimmina)
   Si' gavutu e dilicatu bieddru miu
   Quannu camini lu vientu ti vula
   Cumi mi si trasutu 'n fantasia
   Sulu lu tua parrari mi cunsola

(Masculu)
   Si' giuvina e dilicata beddra mia
   Quannu camini sboccianu li juri
   L'acieddri fan' a gara ppi ra via
   Ppi fa' curuna a tia, jemma d'amuri

(Fimmina)
   Ca si ti lassu è 'na pazzia, la mia,
   'Nu bieddru cum'a tia addrì lu truovu
   Nun ti ci lassu a ru munnu di Diu
   Mancu si ti nni va ppi linnia nova

(Masculu)
   Quannu lu sennu pierdu 'nta la luna
   E notti funna mi fa cumpagnia
   Quannu mi cangia strata la furtuna
   Tannu ppi 'n'ata donna canciu a tia

        GO TO:
1) Ninna nanna prima
2) Tu giuvineddra di pochi paroli
4) 'U muru
5) 'U castieddru
6) Parti littira mia
7) Canzuna ppi Bertu
8) Ninna nanna sicunna