NOCTURNE FROM SARAJEVO

Masculu
  Chini l'ha chiagàti
  'Si carni di villutu?
  'Si vrazza dilicati
  Chin'è statu ca l'ha spizzati?

  'Si minni ca su' stati
  Cuscini prufumati
  'Si gammi c'haju adurati
  Quali boia l'ha macillati?

Fimmina
  E' statu 'nu lampu siccu
  'Na luci senza juornu
  E' stata 'na raggia antica
  Ca la vita n'had' arrubbata

  E' stata la notti trista
  'Nu suonnu dispiratu
  'Na notti senza spiranza
  C'ogni lumi n'ha(di) stutatu

Masculu
  Datimi 'na vuci
  Ppi ra puti' parrari
  Ci vuogliu da' 'n'aiutu
  Ma nun sacciu cum'haju di fari

  E datimi lu tiempu
  Tiempu di salutari
  C'ormai la morti è sciota
  E nuddra forza la pò cchiu firmari

Fimmina
  Nun priparati carti
  Ppi judici e avucati
  Ca nun c'è curta 'n terra
  Ca giustizia ni possa dari
  Ca chissa morti nostra
  Nuddra sintenza la pò ripagari

Assiemi
  Ma si daveru c'è(di)
  'Nu Diu di la cirtizza
  'Na cosa l'ha di fari
  Di 'su suonnu n'ha di cacciari
  S'è patri di lu tiempu
  N'atra vita ni l'ha di dari

Fimmina
  C'un n'hamu avutu tiempu
  Ppi juochi e ppi risati
  Ppi vidi cum'è fattu
  L'atru latu di la jurnata
  'Nu fuocu senza cori
  Cumi 'nu lampu n'ha divurati

Assiemi
  E si daveru c'è(di)
  'Nu Diu fattu d'amuri
  'Sa cosa la pò fari
  Chir'amuri lu pò mustrari
  Pò cummanna' lu tiempu
  'Sa catina la pò ammintàri

1)   Tri rosi
2)   Chissa è ra strata di li mia lamienti
3)   Giuvinu cumi ti mera 'su cappieddru
4)   A rota d'u setti
5)   Rosa Cilesti
6)   'Sa strata mi la fazzu a passu a passu
7)   'Na palummeddra russa
9)   Tiempu
10) Taranteddra sirvaggia
11) Coda