Viju tri rosi penniri a 'na cima
Nun sacciu quali prima mi piglia'
Nun sacciu quali prima mi piglia'
La genti dici: pigliati la prima
Ca la sicunna nun ti pò manca'
Ca la sicunna nun ti pò manca'

La granni, ch'è patruna di lu mari,
Cummanna ri barchetti ad una ad una
Cummanna ri barchetti ad una ad una
La piccula sa fari li catini
La minzaneddra li sa' 'ncatina'
La minzaneddra li sa' 'ncatina'

Quannu li pigli falu ccu attinzioni
Ca di 'si juri nun ti pu' fida'
Ca di 'si juri nun ti pu' fida'
C'arrieti a 'ssi prufumi supraffini
Tieninu spini pronti a ti 'mpizza'
Tieninu spini pronti a ti 'mpizza'

La piccula ti fila ru distinu
La minzaneddra è pronta a ru 'ntrizza'
A nudi a nudi ppi ti 'ncatina'
La granni t'abbannuna 'n mienzu mari
Ccu 'na barchetta ti fa navica'
'Nta 'na timpesta ppi ti fa' spagna'

Viju tri rosi penniri a 'na cima
Ad una ad una mi l'haju piglia'
Supa a 'ssu mari m'haju d'avvintura'
Ca navicannu 'n mienzu a 'si misteri
Ancuna luci l'haju d'avvista'
'Nt' ancunu puortu paci haju truva'

2)   Chissa è ra strata di li mia lamienti
3)   Giuvinu cumi ti mera 'su cappieddru
4)   A rota d'u setti
5)   Rosa Cilesti
6)   'Sa strata mi la fazzu a passu a passu
7)   'Na palummeddra russa
8)   Nocturne from Sarajevo
9)   Tiempu
10) Taranteddra sirvaggia
11) Coda